0:00
/
1ܘܟܲܕ ܚܙܹܐܠܹܗ ܠܟܸܢܫܹ̈ܐ: ܐ݇ܣܸܩܠܹܗ ܠܛܘܼܪܵܐ: ܘܟܲܕ ܝܬܸܒ̣ܠܹܗ: ܐ݇ܬܹܐܠܗܘܿܢ ܠܟܸܣܠܹܗ ܬܲܠܡܝܼܕܘܼܗ̈ܝ. 2ܘܦܬܸܚܠܹܗ ܦܘܼܡܹܗ: ܘܡܵܠܸܦ ܗ݇ܘܵܐ ܠܗ݇ܘܿܢ: ܘܐܵܡܸܪ. 3ܛܘܼܒ̣ܵܐ ܠܡܸܣܟܹܢܹ̈ܐ ܒܪܘܼܚܵܐ: ܣܵܒܵܒ ܕܕܝܼܵܝܗܝ ܝ݇ܠܵܗ̇ ܡܲܠܟܘܼܬܵܐ ܕܫܡܲܝܵܐ. 4ܛܘܼܒ̣ܵܐ ܠܥܵܒ̣ܕܵܢܹ̈ܐ ܕܬܵܙܝܼ: ܣܵܒܵܒ ܕܐܵܢܝܼ ܒܸܬ ܦܵܝܫܝܼ ܝܘܼܗَܒܹܐ ܠܒܵܐ. 5ܛܘܼܒ̣ܵܐ ܠܡܵܟܝܼܟܹ̈ܐ: ܣܵܒܵܒ ܕܐܵܢܝܼ ܒܸܬ ܝܵܪܬܝܼ ܐܲܪܥܵܐ. 6ܛܘܼܒ̣ܵܐ ܠܐܵܢܝܼ ܕܟܵܦܢܝܼ ܘܨܲܗَܝܝܼ ܠܟܹܐܢܘܼܬܵܐ: ܣܵܒܵܒ ܕܐܵܢܝܼ ܒܸܬ ܣܲܒ̣ܥܝܼ. 7ܛܘܼܒ̣ܵܐ ܠܡܪܲܚܡܵܢܹܐ: ܣܵܒܵܒ ܕܥܲܠܵܝܗܝ ܒܸܬ ܗܵܘܝܼ ܪܲܚܡܹܐ. 8ܛܘܼܒ̣ܵܐ ܠܐܵܢܝܼ ܕܝܼܢܵܐ ܕܸܟ̣ܝܹ̈ܐ ܒܠܸܒܵܐ: ܣܵܒܵܒ ܕܐܵܢܝܼ ܒܸܬ ܚܵܙܝܼ ܠܐܲܠܵܗܵܐ. 9ܛܘܼܒ̣ܵܐ ܠܥܵܒ̣ܕܵܢܹ̈ܐ ܕܫܠܵܡܵܐ: ܣܵܒܵܒ ܕܒܢܘܿܢܹ̈ܐ ܕܐܲܠܵܗܵܐ ܒܸܬ ܦܵܝܫܝܼ ܩܸܪܝܹܐ. 10ܛܘܼܒ̣ܵܐ ܠܐܵܢܝܼ ܕܦܸܫܠܗَܘܿܢ ܛܪܝܼܕܹܐ ܣܵܒܵܒ ܕܟܹܐܢܘܼܬܵܐ: ܣܵܒܵܒ ܕܕܝܼܵܝܗܝ ܝ݇ܠܵܗ̇ ܡܲܠܟܘܼܬܵܐ ܕܫܡܲܝܵܐ. 11ܛܘܼܒ̣ܵܐ ܐܸܠܵܘܟ̣ܘܿܢ ܐܝܼܡܲܢ ܕܠܵܝܡܝܼ ܠܵܘܟ̣ܘܢ: ܘܛܵܪܕܝܼ ܠܵܘܟ̣ܘܿܢ: ܘܐܵܡܪܝܼ ܥܲܠܵܘܟ̣ܘܿܢ ܟܠ ܗܹܡܸܙܡܵܢ ܒܝܼܫܬܵܐ ܣܵܒܵܒ ܕܝܼܝܼ ܒܕܵܓܵܠܘܼܬܵܐ. 12ܚܕܹܐܡܘܿܢ ܘܦܨܘܿܚܘܿܢ: ܕܗܵܩܵܘܟ̣ܘܿܢ ܪܵܒܵܐ ܝܠܹܗ ܒܫܡܲܝܵܐ: ܣܵܒܵܒ ܗܲܕܟ̣ܵܐ ܛܪܸܕܠܗܘܿܢ ܠܢܒܼ̈ܝܹܐ ܕܡ̣ܢ ܩܵܕَܡ ܡܸܢܵܘܟ̣ܘܿܢ. 13ܐܲܚܬܘܿܢ ܝܼܬܘܿܢ ܡܸܠܚܵܐ ܕܐܲܪܥܵܐ: ܐܝܼܢܵܐ ܐܸܢ ܡܸܠܚܵܐ ܦܵܝܟܵܐ: ܒܡܘܼܕܝܼ ܒܸܬ ܦܵܝܫܵܐ ܡܘܼܡܠܸܚܬܵܐ: ܠܡܸܢܕܝܼ ܦܲܝܕܵܐ ܠܹܐ ܗܵܘܝܵܐ: ܐܸܠܵܐ ܕܦܵܝܫܵܐ ܪܘܼܦܝܼܬܵܐ ܠܒܲܕܲܪ ܘܕܝܼܫܬܵܐ ܡ̣ܢ ܐ݇ܢܵܫܹ̈ܐ. 14ܐܲܚܬܘܿܢ ܝܼܬܘܿܢ ܒܲܗܪܹܗ ܕܥܵܠܡܵܐ. ܠܹܐ ܡܵܨܝܵܐ ܕܛܵܫܝܵܐ ܡܕܝܼܢَܬܵܐ ܕܥܲܠ ܛܘܼܪܵܐ ܒܢܝܼܬܵܐ. 15ܘܠܹܐ ܬܵܦܝܼ ܫܪܵܝܵܐ ܘܡܲܬܒ̣ܝܼ ܠܵܗ̇ ܬܚܘܿܬ ܣܲܐܬܵܐ: ܐܸܠܵܐ ܥܲܠ ܟ̰ܪܲܚܦܝܼ: ܘܟܹܐ ܝܵܗَܒ̣ܵܐ ܒܲܗܪܵܐ ܠܟܠܵܝܗܝ ܐܵܢܝܼ ܕܒܒܲܝܬܵܐ ܝܢܵܐ. 16ܗܲܕܟ̣ܵܐ ܒܲܗَܪܸܢ ܒܲܗܪܵܘܟ̣ܘܿܢ ܩܵܕَܡ ܒܢܲܝ̈ܢܵܫܵܐ ܕܚܵܙܝܼ ܦܘܼܠܚܵܢܵܘ̈ܟ̣ܘܿܢ ܛܵܒܹ̈ܐ: ܘܫܵܒܚܝܼ ܠܒܵܒܵܘܟ̣ܘܿܢ ܕܒܫܡܲܝܵܐ. 17ܠܵܐ ܚܵܫܒ̣ܝܼܬܘܿܢ ܕܐَܬܹܐܠܝܼ ܕܫܵܪܸܢ ܢܵܡܘܿܣܵܐ ܝܲܢ ܢܒ̣̈ܝܹܐ ܠܵܐ ܐَܬܹܐܠܝܼ ܕܫܵܪܸܢ ܐܸܠܵܐ ܕܬܲܡܸܡܸܢ. 18ܣܵܒܵܒ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܗܲܠ ܕܥܵܒ̣ܪܝܼ ܫܡܲܝܵܐ ܘܐܲܪܥܵܐ: ܚܕܵܐ ܝܘܿܕ ܝܲܢ ܚܲܕَ ܣܸܪܛܵܐ ܠܹܐ ܥܵܒܸܪ ܡ̣ܢ ܢܵܡܘܿܣܵܐ ܗܲܠ ܕܟܠ ܗܵܘܹܐ. 19ܟܠ ܡ̇ܢ ܕܫܵܪܹܐ ܗܲܕܟ̣ܵܐ ܚܲܕَ ܡ̣ܢ ܕܐܲܢܹܐ ܦܘܼܩܕܵܢܹ̈ܐ ܒܘܼܫ ܙܥܘܿܪܹ̈ܐ: ܘܡܵܠܸܦ ܗܲܕܟ̣ܵܐ ܠܒܢܲܝ̈ܢܵܫܵܐ: ܒܘܼܫ ܙܥܘܿܪܵܐ ܒܸܬ ܦܵܐܹܫ ܩܸܪܝܵܐ ܒܡܲܠܟܘܼܬܵܐ ܕܫܡܲܝܵܐ: ܐܝܼܢܵܐ ܟܠ ܕܥܵܒܸܕ ܘܡܵܠܸܦ: ܐܵܗܵܐ ܓܘܼܪܵܐ ܒܸܬ ܦܵܐܹܫ ܩܸܪܝܵܐ ܒܡܲܠܟܘܼܬܵܐ ܕܫܡܲܝܵܐ. 20ܣܵܒܵܒ ܕܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܸܢ ܠܵܐ ܙܵܝܕܵܐ ܟܹܐܢܘܼܬܵܘܟ̣ܘܿܢ ܙܵܘܕܵܐ ܡ̣ܢ ܕܣܵܦܪܹ̈ܐ ܘܦܪ̈ܝܼܫܹܐ: ܠܹܐ ܥܵܒܼܪܝܼܬܘܿܢ ܠܡܲܠܟܘܼܬܵܐ ܕܫܡܲܝܵܐ. 21ܫܡܸܥܠܵܘܟ̣ܘܿܢ ܕܦܸܫܠܹܗ ܐَܡܝܼܪܵܐ ܠܩܵܕَܡܵܝܗܝܐ: ܠܵܐ ܩܵܛܠܸܬ: ܘܟܠ ܕܩܵܛܸܠ: ܓܘܼܢܵܗܟܵܪ ܝܼܠܹܗ ܠܕܝܼܘܵܢ. 22ܐܝܼܢܵܐ ܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܟܠ ܡ̇ܢ ܕܟܵܪܸܒ̣ ܥܠ ܐܵܚܘܿܢܹܗ ܕܠܵܐ ܗܲܓ̰ܲܬ: ܓܘܼܢܵܗܟܵܪ ܝܼܠܹܗ ܠܕܝܼܘܵܢ: ܘܟܠ ܕܐܵܡܸܪ ܠܐܵܚܘܿܢܹܗ: ܣܲܟܼܠܵܐ: ܓܘܼܢܵܗܟܵܪ ܝܼܠܹܗ ܠܟܸܢܫܵܐ ܕܪܵܐܝܝܼ: ܘܟܠ ܕܐܵܡܸܪ: ܐܲܗܡܲܩ: ܓܘܼܢܵܗܟܵܪ ܝܼܠܹܗ ܠܓܹܗܲܢܵܐ ܕܢܘܼܪܵܐ. 23ܐܸܢ ܗܲܕܟ̣ܵܐ ܡܲܝܬَܝܸܬ ܩܘܼܒܵܢܘܼܟ ܠܡܲܕܒܚܵܐ: ܘܬܵܡܵܐ ܕܵܟ̣ܪܸܬ ܕܕܒ̣ܝܼܩܵܐ ܝܠܹܗ ܥܲܠܘܼܟܼ ܐܵܚܘܿܢܘܼܟ ܟܝܼܢ ܡܸܢܕܝܼ. 24ܫܒ̣ܘܿܩ ܬܵܡܵܐ ܩܘܼܒܵܢܘܼܟ ܥܲܠ ܡܲܕܒܚܵܐ: ܘܙܹܠَܐ ܩܵܕَܡܵܝܬܵܐ ܦܘܼܫ ܣܘܼܙܓܸܪܵܐ ܥܲܡ ܐܵܚܘܿܢܘܼܟ: ܘܗ̇ܝܓܵܗ ܬܵܐ ܡܲܩܪܸܒ̣ ܩܘܼܪܒܵܢܘܼܟ. 25ܗܵܘܸܬ ܣܲܙܓܘܼܪܹܐ ܥܲܡ ܕܲܠܩܘܼܒܼܠܵܝܘܼܟܼ ܓ̰ܲܠܕܹܐ: ܗܵܠܵܐ ܥܲܡܹܗ ܝܘܸܬ ܒܐܘܼܪܚܵܐ: ܕܡܘܼܕܲܥܝܼܘܼܟ ܠܵܐ ܣܵܦܹܐ ܠܘܼܟܼ ܠܕܲܝܵܢܵܐ: ܘܕܲܝܵܢܵܐ ܣܵܦܹܐ ܠܘܼܟܼ ܠܢܵܛܘܿܪܵܐ: ܘܦܵܝܫܸܬ ܕܪܸܝܐ ܓܵܐ ܒܹܝܬ ܐܲܣܝܼܪܹ̈ܐ. 26ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ: ܕܠܹܐ ܦܵܠܛܸܬ ܡ̣ܢ ܬܵܡܵܐ: ܗܲܠ ܕܝܵܗَܒܸܬ ܫܵܗܝܼ ܐَܚܵܪܵܝܵܐ. 27ܫܡܸܥܠܵܘܟ̣ܘܿܢ ܕܦܸܫܠܸܐ ܐَܡܝܼܪܵܐ ܠܩܵܕَܡܵܝܗܝܐ ܠܵܐ ܥܵܒ̣ܕܸܬ ܓܲܝܵܪܘܼܬܵܐ. 28ܐܝܼܢܵܐ ܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܟܠ ܡ̇ܢ ܕܚܵܙܹܐ ܒܲܟ̣ܬܵܐ ܐܲܝܟܼ ܕܫܲܗَܘܸܬ ܝ݇ܠܵܗ̇: ܒܗ̇ܝ ܣܵܥܲܬ ܥܒܸܕܠܹܗ ܓܲܝܵܪܘܼܬܵܐ ܥܲܡܵܗ̇ ܒܠܸܒܹܗ. 29ܘܐܸܢ ܥܲܝܢܘܼܟ ܕܝܲܡܝܼܢܵܐ ܡܲܟܦܸܪܵܐ ܠܘܼܟܼ: ܚܪܘܿܛ ܠܵܗ̇ ܘܪܲܦܝܼ ܠܵܗ̇ ܡܸܢܘܼܟ: ܣܵܒܵܒ ܕܨܦܵܝܝܼ ܝ݇ܠܵܗ̇ ܐܸܠܘܼܟܼ ܕܬܵܠܸܩ ܚܲܕَ ܡ̣ܢ ܗܲܕܵܡܘܼ̈ܟ: ܘܟܠܹܗ ܦܲܓ̣ܪܘܼܟ ܠܵܐ ܦܵܐܹܫ ܕܸܪܝܵܐ ܒܓܹܗܲܢܵܐ. 30ܘܐܸܢ ܐܝܼܕܘܼܟ ܕܝܲܡܝܼܢܵܐ ܡܲܟܦܸܪܵܐ ܠܘܼܟܼ: ܦܪܘܿܡ ܪܲܦܝܼ ܠܵܗ̇ ܡܸܢܘܼܟ: ܣܵܒܵܒ ܕܨܦܵܝܝܼ ܝ݇ܠܵܗ̇ ܐܸܠܘܼܟܼ ܕܬܵܠܸܩ ܚܲܕَ ܡ̣ܢ ܗܲܕܵܡܘܼ̈ܟ: ܘܟܠܹܗ ܦܲܓ̣ܪܘܼܟ ܠܵܐ ܦܵܐܹܫ ܕܸܪܝܵܐ ܒܓ݂ܗܲܢܵܐ. 31ܦܸܫܠܹܗ ܐَܡܝܼܪܵܐ: ܡ̇ܢ ܕܪܲܦܹܐ ܒܲܟ̣ܬܹܗ: ܝܵܗَܒܸܠ ܠܵܗ̇ ܟܬܵܒ̣ܵܐ ܕܕܘܼܠܠܵܐ. 32ܐܝܼܢܵܐ ܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܟܠ ܡ̇ܢ ܕܪܲܦܹܐ ܒܲܟ̣ܬܹܗ: ܫܒ̣ܘܿܩ ܡ̣ܢ ܒܗܲܓ̰ܲܬ ܕܙܵܢܝܘܼܬܵܐ: ܒܸܥܒ̣ܵܕܘܼܗ̇ ܝܠܹܗ ܕܥܵܒ̣ܕܵܗ̇ ܓܲܝܵܪܘܼܬܵܐ: ܘܡ̇ܢ ܕܫܵܩܸܠ ܫܒ̣ܝܼܩܬܵܐ: ܒܸܥܒ̣ܵܕܵܐ ܝܠܹܗ ܓܲܝܵܪܘܼܬܵܐ. 33ܡܸܢَܕܪܸܫَ ܫܡܸܥܠܵܘܟ̣ܘܿܢ ܕܦܸܫܠܹܗ ܐَܡܝܼܪܵܐ ܠܩܵܕَܡܵܝܗܝ: ܠܵܐ ܕܵܓܠܸܬ ܒܡܵܘܡܵܬܘܼ̈ܟ: ܐܝܼܢܵܐ ܬܲܡܸܡܸܬ ܠܡܵܪܝܵܐ ܡܵܘܡܵܬܘܼ̈ܟ. 34ܐܝܼܢܵܐ ܐܵܢܵܐ ܒܹܐܡܵܪܐ ܝܘܸܢ ܐܸܠܵܘܟ̣ܘܿܢ: ܠܵܐ ܝܵܡܝܼܬܘܿܢ ܗܸܟ̰: ܠܵܐ ܒܫܡܲܝܵܐ: ܣܵܒܵܒ ܕܟܘܼܪܣܝܵܐ ܕܐܲܠܵܗܵܐ ܝܠܹܗ. 35ܘܠܵܐ ܒܐܲܪܥܵܐ: ܕܟܘܼܒ̣ܫܵܐ ܝ݇ܠܵܗ̇ ܬܚܘܿܬ ܐܲܩܠܘܼ̈ܗܝ: ܐܘܼܦ ܠܵܐ ܒܐܘܿܪܸܫܠܸܡ: ܣܵܒܵܒ ܡܕܝܼܢَܬܹܗ ܕܡܲܠܟܵܐ ܓܘܼܪܵܐ ܝ݇ܠܵܗ̇. 36ܐܘܦ ܒܪܹܫܘܼܟ ܠܵܐ ܝܵܡܸܬ: ܣܵܒܵܒ ܕܠܹܐ ܡܵܨܸܬ ܠܸܥܒ̣ܵܕܵܐ ܚܕܵܐ ܡܸܙܬܵܐ ܟܘܼܡܬܵܐ ܝܲܢ ܚܘܵܪܬܵܐ. 37ܐܸܠܵܐ ܗܹܡܸܙܡܵܢܵܘܟ̣ܘܿܢ ܗܵܘܝܵܐ: ܗܹܐ ܗܹܐ: ܘܠܵܐ ܠܵܐ ܡܸܢܕܝܼ ܕܡ̣ܢ ܕܐܲܢܹܐ ܙܵܘܕܵܐ: ܡ̣ܢ ܒܝܼܫܵܐ ܝܠܹܗ. 38ܫܡܸܥܠܵܘܟ̣ܘܿܢ ܕܦܸܫܠܹܗ ܐَܡܝܼܪܵܐ: ܥܲܝܢܵܐ ܡܒܵܕܵܠ ܕܥܲܝܢܵܐ: ܘܟܹܟܵܐ ܡܒܵܕܵܠ ܕܟܹܟܵܐ. 39ܐܝܼܢܵܐ ܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܠܵܐ ܩܵܝܡܝܼܬܘܿܢ ܕܲܪܩܘܼܒ̣ܠ ܕܒܝܼܫܵܐ: ܐܸܠܵܐ ܡ̇ܢ ܕܡܵܚܹܐ ܠܘܼܟܼ ܥܲܠ ܦܵܬܘܼܟ ܕܝܲܡܝܼܢܵܐ: ܡܲܕܸܪ ܐܸܠܹܗ ܐܘܼܦ ܗ̇ܝ ܐܚܹܪَܬܵܐ. 40ܘܡ̇ܢ ܕܒܵܥܝܹܐ ܥܵܒܸܕ ܕܝܼܘܵܢ ܥܲܡܘܼܟ ܘܫܵܩܸܠ ܨܘܼܕܪܘܼܟ: ܫܒ̣ܘܿܩ ܐܸܠܹܗ ܐܘܼܦ ܥܵܒܵܝܘܼܟ. 41ܘܡ̇ܢ ܕܥܵܒܸܕ ܫܘܼܚܪܵܐ ܐܸܠܘܼܟܼ ܚܲܕَ ܡܝܼܠܵܐ: ܙܹܠَܐ ܥܲܡܹܗ ܬܪܹܝ. 42ܡ̇ܢ ܕܛܵܠܸܒ ܡܸܢܘܼܟ ܗܲܒَܠ ܠܹܗ: ܘܡ̇ܢ ܕܒܵܥܝܹܐ ܫܵܩܸܠ ܕܵܝܢܵܐ ܡܸܢܘܼܟ ܠܵܐ ܡܲܟܠܸܬ ܠܹܗ. 43ܫܡܸܥܠܵܘܟ̣ܘܿܢ ܕܦܸܫܠܹܗ ܐَܡܝܼܪܵܐ: ܡܲܚܸܒ ܠܫܒ̣ܵܒ̣ܘܼܟ: ܘܣܢܝܼ ܠܕܸܫܡܸܢܘܼܟ. 44ܐܝܼܢܵܐ ܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܡܲܚܸܒܘܿܢ ܠܕܸܫܡܸܢܵܘ̈ܟ̣ܘܿܢ: ܘܒܲܪܟ̣ܘܿܢ ܠܐܵܢܝܼ ܕܠܵܝܛܝܼ ܠܵܘܟ̣ܘܿܢ: ܘܥܒ̣ܘܿܕܘܿܢ ܨܦܵܝܘܼܬܵܐ ܠܐܵܢܝܼ ܕܣܵܢܝܼ ܠܵܘܟ̣ܘܿܢ: ܘܨܲܠܹܝܡܘܿܢ ܥܲܠ ܕܐܵܢܝܼ ܕܥܵܒ̣ܕܝܼ ܣܪܝܼܬܐ ܒܝܼܵܘܟ̣ܘܿܢ ܘܛܵܪܕܝܼ ܠܵܘܟ̣ܘܿܢ. 45ܕܗܵܘܹܝܬܘܿܢ ܒܢܘܿܢܹ̈ܐ ܕܒܵܒܵܘܟ̣ܘܿܢ ܕܒܫܡܲܝܵܐ: ܗ̇ܘ ܕܡܲܙܪܸܩ ܫܸܡܫܹܗ ܥܲܠ ܛܵܒܹ̈ܐ ܘܥܲܠ ܒܝܼܫܹ̈ܐ: ܘܡܲܨܠܹܗ ܡܸܛܪܵܐ ܥܲܠ ܟܹܐܢܹ̈ܐ ܘܥܲܠ ܥܵܘܵܠܹ̈ܐ. ܣܵܒܵܒ 46ܐܸܢ ܡܲܚܸܒܝܼܬܘܿܢ ܠܐܵܢܝܼ ܕܡܲܚܸܒܝܼ ܠܵܘܟ̣ܘܿܢ: ܡܘܼܕܝܼ ܗܵܩܵܐ ܐܝܼܬ ܠܵܘܟ̣ܘܿܢ: ܐܘܼܦ ܕܲܡ̈ܓ̣ܵܟ̰ܝܹܐ ܐܵܗܵܐ ܠܹܐ ܥܵܒ̣ܕܝܼ. 47ܘܐܸܢ ܕܵܪܝܼܬܘܿܢ ܫܠܵܡܵܐ ܠܐܵܚܘܿܢܘܵܬܵܘ̈ܟ̣ܘܿܢ ܐܲܚܟ̰ܝܼ: ܡܘܼܕܝܼ ܙܵܘܕܵܐ ܒܸܥܒ̣ܵܕܵܐ ܝܬܘܿܢ: ܗܵܐ ܐܘܼܦ ܛܵܝܸܦܹ̈ܐ ܐܗܵܐ ܠܹܐ ܥܵܒ̣ܕܝܼ. 48ܗَܘܹܝܡܘܿܢ ܗܲܕܟ̣ܵܐ ܐܲܚܬܘܿܢ ܟܵܡܝܼܠܹܗ: ܕܵܐܟ̣ܝܼ ܕܒܒܵܘܟ̣ܘܿܢ ܕܒܫܡܲܝܵܐ ܟܵܡܝܼܠ ܝܼܠܹܗ.